ਗੁਰਪ੍ਰੀਤਦੀ ਕਹਾਣੀ

ਹਾਏ, ਮੇਰਾ ਨਾਮ ਗੁਰਪ੍ਰੀਤ ਹੈ। ਮੈਂ ਪੂਰਾ ਸਮਾਂ ਨੌਕਰੀ ਕਰਨ ਵਾਲੀ ਇੱਕ ਮਾਂ ਹਾਂ, ਅਤੇ ਜਦੋਂ ਵੀ ਮੈਨੂੰ ਕੁਝ ਖਾਲੀ ਸਮਾਂ ਮਿਲਦਾ ਹੈ, ਮੈਂ ਇਸਨੂੰ ਆਪਣੇ ਬੱਚਿਆਂ ਨਾਲ ਬਿਤਾਉਂਦੀ ਹਾਂ।

ਦੋ ਕੁ ਮਹੀਨੇ ਪਹਿਲਾਂ, ਮੈਂ ਆਪਣੇ ਬੈਂਕ ਖਾਤੇ ਵਿੱਚੋਂ ਅਣਅਧਿਕਾਰਤ ਤੋਰ ਤੇ ਪੈਸੇ ਕੱਢੇ ਜਾਂਦੇ ਦੇਖੇ। ਤਿੰਨ ਦਿਨਾਂ ਵਿੱਚ, ਹਰ ਵਾਰ 200 ਡਾਲਰ ਦੀ ਉਹੀ ਰਕਮ ਕਢਵਾਈ ਗਈ ਸੀ, ਅਤੇ ਇਸਨੂੰ ਸੋਸ਼ਲ ਮੀਡੀਆ ਇਸ਼ਤਿਹਾਰ ਦੇ ਖਰਚਿਆਂ ਵਜੋਂ ਦਰਸਾਇਆ ਗਿਆ ਸੀ। ਮੈਂ ਇਸ਼ਤਿਹਾਰਬਾਜ਼ੀ ਨਹੀਂ ਕਰਦੀ ਜਾਂ ਕੋਈ ਕਾਰੋਬਾਰ ਨਹੀਂ ਕਰਦੀ, ਇਸ ਲਈ ਮੈਂ ਪਰੇਸ਼ਾਨ ਅਤੇ ਚਿੰਤਤ ਸੀ। ਮੈਂ ਤੁਰੰਤ ਆਪਣੇ ਬੈਂਕ ਨਾਲ ਸੰਪਰਕ ਕੀਤਾ ਤਾਂ ਜੋ ਉਨ੍ਹਾਂ ਨੂੰ ਦੱਸਿਆ ਜਾ ਸਕੇ ਕਿ ਮੈਂ ਇਨ੍ਹਾਂ ਭੁਗਤਾਨਾਂ ਨੂੰ ਅਧਿਕਾਰਤ ਨਹੀਂ ਕੀਤਾ ਸੀ। ਬੈਂਕ ਨੇ ਮੇਰੇ ਕਾਰਡ ਤੇ ਰੋਕ ਲਗਾ ਦਿੱਤੀ ਅਤੇ ਮੇਰੇ ਖਾਤੇ ਵਿੱਚੋਂ ਵਿਦੇਸ਼ਾਂ ਤੋਂ ਹੋ ਰਹੀ ਹੋਰ ਪੈਸੇ ਕਢਵਾਉਣ ਦੀ ਕੋਸ਼ਿਸ਼ ਨੂੰ ਵੀ ਰੋਕ ਦਿੱਤਾ। ਮੈਨੂੰ ਆਪਣੇ ਖਾਤਿਆਂ ਤੱਕ ਪਹੁੰਚ ਪ੍ਰਾਪਤ ਕਰਨ ਲਈ ਕਈ ਦਿਨ ਲੱਗ ਗਏ - ਅਤੇ ਬਹੁਤ ਵਾਰੀ ਗੱਲਬਾਤ ਕਰਨੀ ਪਈ, ਜਿਸ ਨਾਲ ਪਹਿਲਾਂ ਹੀ ਫ਼ਿਕਰ ਵਾਲੀ ਸਥਿਤੀ ਹੋਰ ਵੀ ਤਣਾਅਪੂਰਨ ਹੋ ਗਈ।

ਇਸ ਪੂਰੀ ਘਟਨਾ ਨੇ ਮੈਨੂੰ ਬੈਂਕ ਵਰਗੀਆਂ ਸੰਸਥਾਵਾਂ 'ਤੇ ਨਿਰਭਰ ਕਰਨ ਦੀ ਬਜਾਏ ਆਪਣੇ ਆਪ ਨੂੰ ਸਿੱਖਿਅਤ ਕਰਨ ਅਤੇ ਆਪਣੀ ਨਿੱਜੀ ਸਾਈਬਰ ਸੁਰੱਖਿਆ ਦਾ ਧਿਆਨ ਰੱਖਣ ਦੀ ਮਹੱਤਤਾ ਦਾ ਅਹਿਸਾਸ ਕਰਵਾਇਆ ਹੈ। ਸੁਚੇਤ ਰਹਿਣਾ ਅਤੇ ਜਿਵੇਂ ਹੀ ਤੁਸੀਂ ਕੁਝ ਅਜੀਬ ਦੇਖਦੇ ਹੋ ਤਾਂ ਉਸ ਬਾਰੇ ਦੱਸਣਾ ਬਹੁਤ ਜ਼ਰੂਰੀ ਹੈ।

ਹੁਣ ਮੈਨੂੰ ਪਤਾ ਹੈ ਕਿ ਮੈਨੂੰ ਇਹ ਯਕੀਨੀ ਬਣਾਉਣ ਦੀ ਲੋੜ ਹੈ ਕਿ ਮੈਂ ਆਪਣੇ ਸਾਰੇ ਖਾਤਿਆਂ 'ਤੇ ਵਿਲੱਖਣ ਅਤੇ ਮਜ਼ਬੂਤ ​​ਪਾਸਫਰੇਜ਼ (ਛੋਟੇ ਵਾਕ) ਦੀ ਵਰਤੋਂ ਕਰਕੇ ਆਪਣੀ ਜਾਣਕਾਰੀ ਦੀ ਸੁਰੱਖਿਆ ਕਰ ਰਹੀ ਹਾਂ। ਮੈਂ ਜਿੱਥੇ ਵੀ ਉਪਲਬਧ ਹੋਵੇ ਮਲਟੀ-ਫੈਕਟਰ ਪ੍ਰਮਾਣੀਕਰਨ ਸੈੱਟ ਕਰਦੀ ਹਾਂ ਅਤੇ ਜਿਵੇਂ ਹੀ ਮੈਨੂੰ ਇਸ ਬਾਰੇ ਸੂਚਨਾ ਮਿਲਦੀ ਹੈ ਮੈਂ ਹਮੇਸ਼ਾ ਸਾਫਟਵੇਅਰ ਅੱਪਡੇਟ ਕਰਦੀ ਹਾਂ। ਮੈਨੂੰ ਪਤਾ ਹੈ ਕਿ ਇਹਨਾਂ ਸਾਰੀਆਂ ਕਾਰਵਾਈਆਂ ਨੂੰ ਇਕੱਠੇ ਕਰਨ ਨਾਲ ਮੈਨੂੰ ਸੁਰੱਖਿਆ ਦੀਆਂ ਵਾਧੂ ਪਰਤਾਂ ਮਿਲਦੀਆਂ ਹਨ।

ਆਪਣੇ ਜੋਖਮ ਨੂੰ ਘਟਾਉਣ ਲਈ ਹੁਣੇ ਕਾਰਵਾਈ ਕਰੋ:

• ਜਿੱਥੇ ਵੀ ਉਪਲਬਧ ਹੋਵੇ, ਹਮੇਸ਼ਾ ਮਲਟੀ-ਫੈਕਟਰ ਪ੍ਰਮਾਣੀਕਰਨ ਸੈੱਟਅੱਪ ਕਰੋ
• ਹਰੇਕ ਅਕਾਊਂਟ ਵਾਸਤੇ ਇੱਕ ਵਿਲੱਖਣ ਅਤੇ ਮਜ਼ਬੂਤ ​​ਪਾਸਫ੍ਰੇਜ਼ (ਛੋਟੇ ਵਾਕ) ਦੀ ਵਰਤੋ ਕਰੋ - ਘੱਟੋ-ਘੱਟ 15 ਅੱਖਰ
• ਆਪਣੇ ਡਿਵਾਈਸਾਂ ਨੂੰ ਸੁਰੱਖਿਅਤ ਰੱਖਣ ਲਈ ਸਾਰੇ ਸਾਫਟਵੇਅਰ ਅੱਪਡੇਟ ਇੰਸਟਾਲ ਕਰੋ

actnowstaysecure.gov.au 'ਤੇ ਹੋਰ ਜਾਣੋ।

ਆਸਟ੍ਰੇਲੀਆ ਸਰਕਾਰ, ਕੈਨਬਰਾ ਦੁਆਰਾ ਅਧਿਕਾਰਤ

ਤੁਹਾਡਾ ਸਵਾਗਤ ਹੈ!

ਅੱਜ ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ, ਅਸੀਂ ਤੁਹਾਨੂੰ ਦੱਸਾਂਗੇ

ਕਿ ਤੁਸੀਂ ਔਨਲਾਈਨ ਕਿਵੇਂ ਸੁਰੱਖਿਅਤ ਰਹਿ ਸਕਦੇ ਹੋ।

ਅਸੀਂ ਤੁਹਾਨੂੰ ਇੱਕ ਸਧਾਰਨ,

ਪਰ ਬਹੁਤ ਮਹੱਤਵਪੂਰਨ ਤਰੀਕੇ ਬਾਰੇ ਦੱਸਾਂਗੇ

ਜੋ ਤੁਹਾਨੂੰ ਆਪਣੇ ਆਪ ਨੂੰ ਔਨਲਾਈਨ

ਸੁਰੱਖਿਅਤ ਰੱਖਣ ਵਿੱਚ ਮੱਦਦ ਕਰੇਗਾ।

ਚਲੋ, ਸ਼ੁਰੂ ਕਰੀਏ।

ਆਪਣੇ ਇੰਟਰਨੈੱਟ ਨਾਲ ਜੁੜੇ ਸਾਰੇ ਯੰਤਰਾਂ ‘ਤੇ

ਸੌਫ਼ਟਵੇਅਰ ਅੱਪਡੇਟਾਂ ਨੂੰ ਇੰਸਟਾਲ ਕਰਨਾ

ਔਨਲਾਈਨ ਸੁਰੱਖਿਅਤ ਰਹਿਣ ਦੇ

ਸਭ ਤੋਂ ਆਸਾਨ ਅਤੇ ਪ੍ਰਭਾਵਸ਼ਾਲੀ ਤਰੀਕਿਆਂ ਵਿੱਚੋਂ ਇੱਕ ਹੈ।

ਇੰਟਰਨੈੱਟ ਨਾਲ ਜੁੜਿਆ ਯੰਤਰ, ਉਹ ਹਰ ਚੀਜ਼ ਹੈ ਜੋ ਤੁਸੀਂ

ਇੰਟਰਨੈੱਟ ਵਰਤਣ ਲਈ ਇਸਤੇਮਾਲ ਕਰਦੇ ਹੋ

ਇਸ ਵਿੱਚ ਤੁਹਾਡਾ ਫ਼ੋਨ, ਟੈਬਲੈਟ,

ਕੰਪਿਊਟਰ ਜਾਂ ਲੈਪਟਾਪ,

ਸਮਾਰਟ ਵਾਚ, ਗੇਮਿੰਗ ਕੰਸੋਲ

ਅਤੇ ਇੱਥੋਂ ਤੱਕ ਕਿ ਤੁਹਾਡਾ ਟੀ.ਵੀ. ਵੀ ਸ਼ਾਮਲ ਹੈ।

ਸੌਫ਼ਟਵੇਅਰ ਅੱਪਡੇਟ ਤੁਹਾਡੇ ਯੰਤਰਾਂ ਜਾਂ ਐਪਸ ਦੀ ਸੁਰੱਖਿਆ ਵਿੱਚ ਮੌਜੂਦ

ਕਮਜ਼ੋਰੀਆਂ ਜਾਂ ਖਾਮੀਆਂ ਨੂੰ ਠੀਕ ਕਰਦੇ ਹਨ।

ਜੇਕਰ ਤੁਸੀਂ ਸੌਫ਼ਟਵੇਅਰ ਅੱਪਡੇਟ ਉਪਲਬਧ ਹੋਣ

ਦੇ ਤੁਰੰਤ ਬਾਅਦ ਇਸਨੂੰ ਇੰਸਟਾਲ ਨਹੀਂ ਕਰਦੇ ਹੋ,

ਤਾਂ ਸਾਈਬਰ ਅਪਰਾਧੀਆਂ ਲਈ ਤੁਹਾਡੇ ਯੰਤਰਾਂ ਅਤੇ

ਤੁਹਾਡੀ ਨਿੱਜੀ ਜਾਣਕਾਰੀ ਤੱਕ ਪਹੁੰਚ ਕਰਨਾ

ਆਸਾਨ ਹੋ ਸਕਦਾ ਹੈ।

ਇਸਦਾ ਕਾਰਨ ਇਹ ਹੈ ਕਿ ਸਾਈਬਰ ਅਪਰਾਧੀ

ਉਹ ਯੰਤਰ ਅਤੇ ਐਪਾਂ ਨੂੰ ਨਿਸ਼ਾਨਾ ਬਣਾਉਂਦੇ ਹਨ

ਜੋ ਪੁਰਾਣਾ ਸੌਫ਼ਟਵੇਅਰ ਵਰਤ ਰਹੇ ਹੁੰਦੇ ਹਨ,

ਜਿੱਥੇ ਜਾਣੀਆਂ-ਪਛਾਣੀਆਂ ਸੁਰੱਖਿਆ ਕਮਜ਼ੋਰੀਆਂ

ਨੂੰ ਹਾਲੇ ਠੀਕ ਨਹੀਂ ਕੀਤਾ ਗਿਆ ਹੁੰਦਾ।

ਇਹ ਯਕੀਨੀ ਬਣਾਉਣ ਲਈ ਕਿ ਤੁਸੀਂ ਕਦੇ ਵੀ ਕੋਈ ਅੱਪਡੇਟ ਨਾ ਖੁੰਝਾਓ,

ਤੁਸੀਂ ਜ਼ਿਆਦਾਤਰ ਯੰਤਰਾਂ 'ਤੇ

ਆਟੋਮੈਟਿਕ ਅੱਪਡੇਟ ਕਰਨਾ ਚਾਲੂ ਕਰ ਸਕਦੇ ਹੋ।

ਤੁਸੀਂ ਇਹ ਆਪਣੇ ਯੰਤਰ ਦੀਆਂ ਸੈਟਿੰਗਾਂ ਵਿੱਚ

ਜਾਂ ਫਿਰ ਐਪ ਅੱਪਡੇਟਾਂ ਲਈ ਐਪ ਸਟੋਰ 'ਤੇ ਕਰ ਸਕਦੇ ਹੋ।

ਹੁਣ ਤੁਹਾਡੀ ਵਾਰੀ ਹੈ।

ਆਪਣੇ ਯੰਤਰ ਦੀਆਂ ਸੈਟਿੰਗਾਂ ਖੋਲ੍ਹੋ,

ਉਦਾਹਰਨ ਲਈ, ਆਪਣੇ ਫ਼ੋਨ ਜਾਂ ਲੈਪਟਾਪ ‘ਤੇ,

ਅਤੇ 'ਸੌਫ਼ਟਵੇਅਰ ਅੱਪਡੇਟ' ਨੂੰ ਲੱਭੋ।

ਇਹ ਤੁਹਾਡੇ ਯੰਤਰ ਵਿੱਚ 'ਸਿਸਟਮ ਅੱਪਡੇਟ' ਦੇ ਨਾਂਅ ਨਾਲ

ਜਾਂ ਕਿਸੇ ਹੋਰ ਮਿਲਦੇ-ਜੁਲਦੇ ਨਾਮ ਨਾਲ ਹੋ ਸਕਦਾ ਹੈ।

ਜੇਕਰ ਕੋਈ ਅੱਪਡੇਟ ਉਪਲਬਧ ਹੈ,

ਤਾਂ ਇਸਨੂੰ ਡਾਊਨਲੋਡ ਕਰਕੇ ਇੰਸਟਾਲ ਕਰੋ।

ਉੱਥੇ ਹੀ, ਜੇ ਆਟੋਮੈਟਿਕ ਅੱਪਡੇਟ ਹਾਲੇ ਤੱਕ ਚਾਲੂ ਨਹੀਂ ਕੀਤੇ ਹਨ,

ਤਾਂ ਉਹਨਾਂ ਨੂੰ ਵੀ ਔਨ ਕਰ ਦਿਓ।

ਵੀਡੀਓ ਨੂੰ ਰੋਕ ਕੇ

ਪਹਿਲਾਂ ਉਹ ਅੱਪਡੇਟ ਪੂਰੇ ਕਰੋ ਜੋ ਕਰਨ ਵਾਲੇ ਰਹਿੰਦੇ ਹਨ।

ਹੁਣ ਜਦੋਂ ਵੀ ਕੋਈ ਨਵਾਂ ਅੱਪਡੇਟ ਉਪਲਬਧ ਹੋਵੇਗਾ

ਤਾਂ ਤੁਹਾਡਾ ਯੰਤਰ ਤੁਹਾਨੂੰ ਸੂਚਿਤ ਕਰੇਗਾ।

ਯਕੀਨੀ ਬਣਾਓ ਕਿ ਜਿਵੇਂ ਹੀ ਅੱਪਡੇਟ ਦੀ ਸੂਚਨਾ ਮਿਲੇ,

ਤੁਸੀਂ ਇਸਨੂੰ ਤੁਰੰਤ ਇੰਸਟਾਲ ਕਰ ਲਵੋ।

ਇਸਨੂੰ ਟਾਲੋ ਨਾ।

ਇਹ ਕਦਮ ਆਪਣੇ ਸਾਰੇ ਇੰਟਰਨੈੱਟ ਨਾਲ

ਜੁੜੇ ਯੰਤਰਾਂ ਲਈ ਦੁਹਰਾਓ।

ਸੌਫ਼ਟਵੇਅਰ ਅੱਪਡੇਟ ਉਪਲਬਧ ਹੋਣ ਦੇ ਤੁਰੰਤ ਬਾਅਦ ਇੰਸਟਾਲ ਕਰਨਾ

ਤੁਹਾਡੇ ਔਨਲਾਈਨ ਖਾਤਿਆਂ ਨੂੰ

ਵਧੇਰੇ ਸੁਰੱਖਿਅਤ ਰੱਖਣ ਵਿੱਚ ਮਦਦ ਕਰਦਾ ਹੈ।

ਇਹ ਛੋਟਾ ਜਿਹਾ ਕਦਮ

ਤੁਹਾਨੂੰ, ਤੁਹਾਡੇ ਪਰਿਵਾਰ ਨੂੰ, ਅਤੇ ਤੁਹਾਡੇ ਭਾਈਚਾਰੇ ਨੂੰ

ਸੁਰੱਖਿਅਤ ਰੱਖਣ ਵਿੱਚ ਵੱਡਾ ਫ਼ਰਕ ਪਾਉਂਦਾ ਹੈ।

ਸਾਈਬਰ ਸੁਰੱਖਿਆ ਇੱਥੇ ਹੀ ਖ਼ਤਮ ਨਹੀਂ ਹੁੰਦੀ ਹੈ।

ਔਨਲਾਈਨ ਸੁਰੱਖਿਅਤ ਰਹਿਣ ਬਾਰੇ

ਹੋਰ ਵਧੀਆ ਸੁਝਾਅ ਸਿੱਖਣ ਲਈ

actnowstaysecure.gov.au

ਵੈੱਬਸਾਈਟ 'ਤੇ ਜਾਓ।

ਤੁਹਾਡਾ ਸਵਾਗਤ ਹੈ!

ਅੱਜ ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ, ਅਸੀਂ ਤੁਹਾਨੂੰ ਦੱਸਾਂਗੇ

ਕਿ ਤੁਸੀਂ ਔਨਲਾਈਨ ਕਿਵੇਂ ਸੁਰੱਖਿਅਤ ਰਹਿ ਸਕਦੇ ਹੋ।

ਅਸੀਂ ਤੁਹਾਨੂੰ ਇੱਕ ਸਧਾਰਨ,

ਪਰ ਬਹੁਤ ਮਹੱਤਵਪੂਰਨ ਤਰੀਕੇ ਬਾਰੇ ਦੱਸਾਂਗੇ

ਜੋ ਤੁਹਾਨੂੰ ਆਪਣੇ ਆਪ ਨੂੰ

ਔਨਲਾਈਨ ਸੁਰੱਖਿਅਤ ਰੱਖਣ ਵਿੱਚ ਮੱਦਦ ਕਰੇਗਾ।

ਇਸ ਲਈ ਤੁਹਾਨੂੰ ਸਿਰਫ਼ ਤੁਹਾਡੇ ਇੰਟਰਨੈੱਟ ਨਾਲ ਜੁੜੇ

ਡਿਵਾਈਸ, ਇੱਕ ਪੈੱਨ ਅਤੇ ਕਾਗਜ਼ ਦੀ ਲੋੜ ਹੋਵੇਗੀ।

ਚਲੋ, ਸ਼ੁਰੂ ਕਰੀਏ।

ਹਰ ਖਾਤੇ ਲਈ ਇੱਕ ਵਿਲੱਖਣ ਅਤੇ

ਮਜ਼ਬੂਤ ਪਾਸਫ੍ਰੇਜ਼ ਦੀ ਵਰਤੋਂ ਕਰੋ।

ਤੁਸੀਂ ਸ਼ਾਇਦ ਜਾਣਦੇ ਹੋਵੋਗੇ ਕਿ ਪਾਸਵਰਡ ਕੀ ਹੁੰਦਾ ਹੈ,

ਪਰ ਪਾਸਫ੍ਰੇਜ਼ ਕੀ ਹੁੰਦੇ ਹਨ?

ਪਾਸਫ੍ਰੇਜ਼ ਪਾਸਵਰਡ ਦਾ ਹੀ

ਵਧੇਰੇ ਸੁਰੱਖਿਅਤ ਰੂਪ ਹੁੰਦੇ ਹਨ,

ਜੋ ਬੇਤਰਤੀਬੀ ਨਾਲ ਚੁਣੇ ਗਏ ਕਈ ਸ਼ਬਦਾਂ ਤੋਂ ਬਣਦਾ ਹੈ।

ਛੋਟਾ ਅਤੇ ਆਸਾਨੀ ਨਾਲ ਅੰਦਾਜ਼ਾ ਲਾਇਆ ਜਾ

ਸਕਣ ਵਾਲਾ ਪਾਸਵਰਡ ਵਰਤਣ ਦੀ ਬਜਾਏ,

ਜਿਵੇਂ ਤੁਹਾਡੇ ਪਾਲਤੂ ਜਾਨਵਰ ਦਾ ਨਾਮ ਅਤੇ ਜਨਮ ਵਰ੍ਹਾ,

ਉਦਾਹਰਨ ਲਈ “george1998” ਦੀ ਥਾਂ

ਇੱਕ ਮਜ਼ਬੂਤ ਪਾਸਫ੍ਰੇਜ਼ ਇਸ ਤਰ੍ਹਾਂ ਦਾ ਹੋ ਸਕਦਾ ਹੈ

“crystal onion clay pretzel”

ਪਾਸਫ੍ਰੇਜ਼ ਤੁਹਾਡੇ ਲਈ ਯਾਦ ਰੱਖਣਾ ਆਸਾਨ ਹੋਣਾ ਚਾਹੀਦਾ ਹੈ,

ਪਰ ਕਿਉਂਕਿ ਇਹ ਲੰਮਾ ਹੁੰਦਾ ਹੈ ਅਤੇ

ਹਰ ਖਾਤੇ ਲਈ ਵੱਖਰਾ ਹੁੰਦਾ ਹੈ,

ਸਾਈਬਰ ਅਪਰਾਧੀਆਂ ਲਈ ਇਸਦਾ ਅੰਦਾਜ਼ਾ ਲਗਾਉਣਾ

ਅਤੇ ਤੁਹਾਡੇ ਖਾਤਿਆਂ ਤੱਕ ਪਹੁੰਚ ਹਾਸਲ ਕਰਨਾ ਔਖਾ ਬਣ ਜਾਂਦਾ ਹੈ।

ਹੁਣ ਦੇਖੀਏ ਕਿ ਮਜ਼ਬੂਤ ਪਾਸਫ੍ਰੇਜ਼ ਕਿਵੇਂ ਬਣਾਉਣਾ ਹੈ।

ਘੱਟੋ-ਘੱਟ ਚਾਰ ਜਾਂ ਇਸ ਤੋਂ ਵੱਧ ਬੇਤਰਤੀਬੀ ਸ਼ਬਦ ਵਰਤੋਂ।

ਇਸ ਨੂੰ ਘੱਟੋ-ਘੱਟ 15 ਅੱਖਰਾਂ ਦਾ ਬਣਾਓ।

ਜੇਕਰ ਵੈੱਬਸਾਈਟ ਜਾਂ ਸੇਵਾ ਦੁਆਰਾ ਮੰਗਿਆ ਜਾਵੇ ਤਾਂ ਕੋਈ ਚਿੰਨ੍ਹ,

ਵੱਡੇ ਅੱਖਰ ਜਾਂ ਅੰਕ ਸ਼ਾਮਲ ਕਰੋ।

ਆਪਣੇ ਪਾਸਫ੍ਰੇਜ਼ ਵਿੱਚ ਨਿੱਜੀ ਜਾਣਕਾਰੀ

ਦੀ ਵਰਤੋਂ ਕਰਨ ਤੋਂ ਬਚੋ, ਜਿਵੇਂ ਕਿ

ਆਪਣੇ ਪਰਿਵਾਰ ਦੇ ਮੈਂਬਰਾਂ ਦੇ ਨਾਮ,

ਪਾਲਤੂ ਜਾਨਵਰਾਂ ਦੇ ਨਾਮ, ਜਨਮ ਮਿਤੀ ਅਤੇ ਪਤੇ,

ਕਿਉਂਕਿ ਇਹ ਔਨਲਾਈਨ ਲੱਭੇ ਜਾ ਸਕਦੇ ਹਨ।

ਅਤੇ ਅੰਤ ਵਿੱਚ,

ਹਰੇਕ ਖਾਤੇ ਲਈ ਵੱਖਰਾ ਪਾਸਫ੍ਰੇਜ਼ ਵਰਤੋਂ।

ਇਹ ਇਸ ਲਈ ਮਹੱਤਵਪੂਰਨ ਹੈ

ਕਿਉਂਕਿ ਜੇਕਰ ਤੁਸੀਂ ਇੱਕੋ ਪਾਸਫ੍ਰੇਜ਼ ਕਈ ਖਾਤਿਆਂ ਲਈ ਵਰਤਦੇ ਹੋ

ਅਤੇ ਉਨ੍ਹਾਂ ਵਿੱਚੋਂ ਕੋਈ ਖਾਤਾ ਹੈਕ ਹੋ ਜਾਵੇ,

ਤਾਂ ਉਸੇ ਪਾਸਫ੍ਰੇਜ਼ ਵਾਲੇ ਬਾਕੀ ਸਾਰੇ ਖਾਤੇ ਵੀ ਖ਼ਤਰੇ ਵਿੱਚ ਪੈ ਜਾਂਦੇ ਹਨ

ਅਤੇ ਸਾਈਬਰ ਅਪਰਾਧੀ ਉਨ੍ਹਾਂ ਤੱਕ ਪਹੁੰਚ ਹਾਸਲ ਕਰ ਸਕਦੇ ਹਨ।

ਹੁਣ ਪਾਸਫ੍ਰੇਜ਼ ਬਣਾਉਣ ਦੀ ਤੁਹਾਡੀ ਵਾਰੀ ਹੈ।

ਆਪਣਾ ਇੰਟਰਨੈੱਟ ਨਾਲ ਜੁੜਿਆ ਯੰਤਰ,

ਜਾਂ ਕਲਮ ਅਤੇ ਕਾਗਜ਼ ਲਓ,

ਅਤੇ ਕੋਈ ਚਾਰ ਬੇਤਰਤੀਬੀ ਸ਼ਬਦ ਲਿਖੋ।

ਇਹ ਯਕੀਨੀ ਬਣਾਓ ਕਿ ਤੁਸੀਂ ਜੋ ਪਾਸਫ੍ਰੇਜ਼ ਬਣਾਉਂਦੇ ਹੋ

ਉਸ ਵਿੱਚ ਨਿੱਜੀ ਜਾਣਕਾਰੀ ਸ਼ਾਮਲ ਨਾ ਹੋਵੇ

ਜੋ ਔਨਲਾਈਨ ਲੱਭੀ ਜਾ ਸਕਦੀ ਹੈ,

ਅਤੇ ਇਹ ਸਿਰਫ਼ ਇਸ ਖਾਤੇ ਲਈ ਵਿਲੱਖਣ ਹੋਵੇ।

ਆਪਣਾ ਨਵਾਂ ਪਾਸਫ੍ਰੇਜ਼ ਬਣਾਉਣ ਲਈ ਥੋੜ੍ਹਾ ਸਮਾਂ ਕੱਢੋ।

ਇਹੀ ਕਦਮ ਦੁਹਰਾਓ

ਅਤੇ ਹਰ ਔਨਲਾਈਨ ਖਾਤੇ ਲਈ

ਵੱਖਰੇ ਪਾਸਫ੍ਰੇਜ਼ ਬਣਾਓ।

ਹਰ ਖਾਤੇ ‘ਤੇ ਇੱਕ ਵਿਲੱਖਣ ਅਤੇ ਮਜ਼ਬੂਤ ਪਾਸਫ੍ਰੇਜ਼ ਹੋਣ ਨਾਲ

ਤੁਹਾਡੇ ਸਾਰੇ ਔਨਲਾਈਨ ਖਾਤੇ ਵਧੇਰੇ ਸੁਰੱਖਿਅਤ ਰਹਿਣਗੇ।

ਇਹ ਛੋਟਾ ਜਿਹਾ ਕਦਮ ਤੁਹਾਨੂੰ, ਤੁਹਾਡੇ ਪਰਿਵਾਰ ਨੂੰ

ਅਤੇ ਤੁਹਾਡੀ ਭਾਈਚਾਰੇ ਨੂੰ

ਸੁਰੱਖਿਅਤ ਰੱਖਣ ਵਿੱਚ ਵੱਡਾ ਫ਼ਰਕ ਪਾਉਂਦਾ ਹੈ।

ਸਾਈਬਰ ਸੁਰੱਖਿਆ ਇੱਥੇ ਹੀ ਖ਼ਤਮ ਨਹੀਂ ਹੁੰਦੀ ਹੈ।

ਔਨਲਾਈਨ ਸੁਰੱਖਿਅਤ ਰਹਿਣ ਬਾਰੇ ਹੋਰ ਵਧੀਆ ਸੁਝਾਅ ਸਿੱਖਣ ਲਈ

actnowstaysecure.gov.au

ਵੈੱਬਸਾਈਟ 'ਤੇ ਜਾਓ।

ਤੁਹਾਡਾ ਸਵਾਗਤ ਹੈ!

ਅੱਜ ਸਾਡੇ ਨਾਲ ਜੁੜਨ ਲਈ ਤੁਹਾਡਾ ਧੰਨਵਾਦ, ਅਸੀਂ ਤੁਹਾਨੂੰ ਦੱਸਾਂਗੇ

ਕਿ ਤੁਸੀਂ ਔਨਲਾਈਨ ਕਿਵੇਂ ਸੁਰੱਖਿਅਤ ਰਹਿ ਸਕਦੇ ਹੋ।

ਅਸੀਂ ਤੁਹਾਨੂੰ ਇੱਕ ਸਧਾਰਨ,

ਪਰ ਬਹੁਤ ਮਹੱਤਵਪੂਰਨ ਤਰੀਕੇ ਬਾਰੇ ਦੱਸਾਂਗੇ

ਜੋ ਤੁਹਾਨੂੰ ਆਪਣੇ ਆਪ ਨੂੰ ਔਨਲਾਈਨ

ਸੁਰੱਖਿਅਤ ਰੱਖਣ ਵਿੱਚ ਮੱਦਦ ਕਰੇਗਾ।

ਚਲੋ, ਸ਼ੁਰੂ ਕਰੀਏ।

ਤੁਹਾਡੇ ਲਈ ਅੱਜ ਦਾ ਸੁਝਾਅ ਇਹ ਹੈ ਕਿ

ਜਿੱਥੇ ਵੀ ਉਪਲਬਧ ਹੋਵੇ, ਹਮੇਸ਼ਾ

ਮਲਟੀ-ਫੈਕਟਰ ਪ੍ਰਮਾਣਿਕਤਾ

ਸੈੱਟ ਕਰਨਾ ਯਾਦ ਰੱਖੋ।

ਮਲਟੀ-ਫੈਕਟਰ ਪ੍ਰਮਾਣਿਕਤਾ,

ਜਿਸਨੂੰ MFA ਜਾਂ ਦੋ-ਤੱਥੀ ਪ੍ਰਮਾਣਿਕਤਾ ਵੀ ਕਿਹਾ ਜਾਂਦਾ ਹੈ,

ਉਹ ਤਰੀਕਾ ਹੈ, ਜਿਸ ਵਿੱਚ ਤੁਹਾਨੂੰ ਆਪਣੇ ਖਾਤੇ ਵਿੱਚ

ਲੌਗਇਨ ਕਰਨ ਲਈ ਆਪਣੀ ਪਹਿਚਾਣ

ਦੋ ਜਾਂ ਇਸ ਤੋਂ ਵੱਧ ਤਰੀਕਿਆਂ ਨਾਲ ਸਾਬਤ ਕਰਨੀ ਪੈਂਦੀ ਹੈ।

ਉਦਾਹਰਨ ਵਜੋਂ,

ਜਦੋਂ ਤੁਸੀਂ ਆਪਣੇ ਖਾਤੇ ਵਿੱਚ ਸਾਈਨ ਇਨ ਕਰਦੇ ਹੋ,

ਆਪਣਾ ਪਾਸਵਰਡ ਜਾਂ ਪਾਸਫ੍ਰੇਜ਼ ਭਰਨ ਤੋਂ ਬਾਅਦ,

ਤਾਂ ਤੁਹਾਨੂੰ ਇੱਕ ਕੋਡ ਭਰਨ ਲਈ ਕਿਹਾ ਜਾ ਸਕਦਾ ਹੈ

ਜੋ ਤੁਹਾਨੂੰ ਪ੍ਰਮਾਣਿਕਤਾ ਐਪ, ਈਮੇਲ

ਜਾਂ ਟੈਕਸਟ ਸੁਨੇਹੇ ਰਾਹੀਂ ਭੇਜਿਆ ਜਾ ਸਕਦਾ ਹੈ।

ਬੁਹ-ਤੱਥੀ ਪ੍ਰਮਾਣਿਕਤਾ ਤੁਹਾਡੇ ਖਾਤੇ ਨੂੰ

ਵਧੇਰੇ ਸੁਰੱਖਿਅਤ ਬਣਾਉਂਦੀ ਹੈ ਅਤੇ

ਸਾਈਬਰ ਅਪਰਾਧੀਆਂ ਲਈ ਇਸ ਤੱਕ ਪਹੁੰਚਣਾ

ਮੁਸ਼ਕਿਲ ਬਣਾ ਦਿੰਦੀ ਹੈ।

ਭਾਵੇਂ ਕਿਸੇ ਨੂੰ ਤੁਹਾਡਾ ਪਾਸਵਰਡ ਜਾਂ ਪਾਸਫ੍ਰੇਜ਼ ਮਿਲ ਵੀ ਜਾਵੇ,

ਉਹ ਦੂਜੇ ਪ੍ਰਮਾਣਿਕਤਾ ਤਰੀਕੇ ਨੂੰ ਵਰਤੇ ਬਿਨਾਂ

ਲੌਗਇਨ ਨਹੀਂ ਕਰ ਸਕਦੇ ਹਨ।

ਜਦੋਂ ਵੀ ਤੁਸੀਂ ਬੁਹ-ਤੱਥੀ ਪ੍ਰਮਾਣਿਕਤਾ

ਚਾਲੂ ਕਰਨ ਦਾ ਤਰੀਕਾ ਦੇਖਦੇ ਹੋ,

ਤਾਂ ਇਸਨੂੰ ਜ਼ਰੂਰ ਔਨ ਕਰੋ।

ਹੁਣ ਤੁਹਾਡੀ ਵਾਰੀ ਹੈ।

ਆਪਣੇ ਸਾਰੇ ਔਨਲਾਈਨ ਖਾਤਿਆਂ ਦੀ ਜਾਂਚ ਕਰੋ

ਅਤੇ ਬੁਹ-ਤੱਥੀ ਪ੍ਰਮਾਣਿਕਤਾ ਨੂੰ ਚਾਲੂ ਕਰੋ।

ਜੇਕਰ ਇਹ ਉਪਲਬਧ ਹੋਵੇ ਤਾਂ ਤੁਸੀਂ ਇਸਨੂੰ

ਆਪਣੀਆਂ ਖਾਤੇ ਦੀਆਂ ਸੈਟਿੰਗਾਂ ਵਿੱਚ ਲੱਭ ਸਕਦੇ ਹੋ।

ਦੂਜੀ ਤਸਦੀਕ ਵਿਧੀ,

ਆਮ ਤੌਰ 'ਤੇ ਤੁਹਾਡਾ ਫ਼ੋਨ ਨੰਬਰ

ਜਾਂ ਕੋਈ ਪ੍ਰਮਾਣੀਕਰਨ ਐਪ ਸ਼ਾਮਲ ਕਰਨ ਲਈ

ਖਾਤਾ ਪ੍ਰਦਾਤਾ ਦੁਆਰਾ

ਦਿੱਤੀਆਂ ਗਈਆਂ ਹਦਾਇਤਾਂ ਦੀ ਪਾਲਣਾ ਕਰੋ।

ਹੁਣੇ ਥੋੜ੍ਹਾ ਸਮਾਂ ਕੱਢੋ ਅਤੇ ਜਿੱਥੇ ਉਪਲਬਧ ਹੋਵੇ,

ਆਪਣੇ ਔਨਲਾਈਨ ਖਾਤਿਆਂ

‘ਤੇ ਬੁਹ-ਤੱਥੀ ਪ੍ਰਮਾਣਿਕਤਾ ਸੈੱਟ ਕਰੋ।

ਬੁਹ-ਤੱਥੀ ਪ੍ਰਮਾਣਿਕਤਾ

ਤੁਹਾਡੇ ਔਨਲਾਈਨ ਖਾਤੇ ਨੂੰ ਸੁਰੱਖਿਅਤ

ਰੱਖਣ ਵਿੱਚ ਮਦਦ ਕਰੇਗੀ ।

ਇਹ ਛੋਟਾ ਜਿਹਾ ਕਦਮ ਤੁਹਾਨੂੰ, ਤੁਹਾਡੇ ਪਰਿਵਾਰ ਨੂੰ,

ਅਤੇ ਤੁਹਾਡੇ ਭਾਈਚਾਰੇ ਨੂੰ

ਸੁਰੱਖਿਅਤ ਰੱਖਣ ਵਿੱਚ ਵੱਡਾ ਫ਼ਰਕ ਪਾਉਂਦਾ ਹੈ।

ਸਾਈਬਰ ਸੁਰੱਖਿਆ ਇੱਥੇ ਹੀ ਖ਼ਤਮ ਨਹੀਂ ਹੁੰਦੀ ਹੈ।

ਔਨਲਾਈਨ ਸੁਰੱਖਿਅਤ ਰਹਿਣ ਬਾਰੇ

ਹੋਰ ਵਧੀਆ ਸੁਝਾਅ ਸਿੱਖਣ ਲਈ

actnowstaysecure.gov.au

ਵੈੱਬਸਾਈਟ 'ਤੇ ਜਾਓ।